ألعاب تعلّم طفلك وهو يلعب بدون ما يحس

أغلب الأهل اللي يزورونا يسألون عن لعبة تفيد الطفل مو بس تسليه، والحقيقة إن الطفل في هالعمر يتعلم أكثر شي وهو يلعب. اللعبة الصح تخليه يكرر ويجرب ويغلط ويعيد بدون ما يمل، وهذا بالضبط اللي يحتاجه.

من سنتين لين أربع سنوات

في هالعمر الطفل يحب يقلد الكبار. أدوات المطبخ الخشبية مثلا تخليه يطبخ مثل أمه ويسمي الأكلات والألوان ويرتب الأشياء، وبنفس الوقت تتطور حركة يده وتركيزه. وشنطة الدكتور من الألعاب اللي تفتح باب للخيال، تشوفه يكشف على ألعابه وأخوانه ويسولف معهم كأنه في عيادة.

الكتب اللي تنطق الكلمات بعد مفيدة جدا هنا. يضغط على الصورة ويسمع اسمها فيحفظ كلمات جديدة كل يوم تقريبا بدون تعب منكم.

من أربع سنوات وفوق

لما يقرب الطفل من المدرسة تبدأ السبورة تصير لعبته المفضلة. يكتب ويمسح ويرسم ويلعب دور المعلم، وهذا يسهل عليه الكتابة لما يبدأ فعليا. ويفضل تختار سبورة لها وجهين واحد للطباشير وواحد للقلم عشان تطول معه.

نصيحة صغيرة

لا تعطي الطفل كل الألعاب مرة وحدة. خل كم لعبة قدامه وشيل الباقي وبدّلهم كل أسبوع، بتلاحظ إنه يرجع يتحمس لها كأنها جديدة.

تقدر تشوف كل الألعاب التعليمية والألعاب الخشبية في الموقع، وإذا تبي رأينا في لعبة معينة كلمنا ونساعدك.