لمسات بسيطة تخلي هديتك تفرق

كثير مرات يجينا زبون ويقول ما أبيها لعبة وبس، أبيها تبان هدية. وفعلا الطفل أول شي يشوفه هو الغلاف، ولما يكون الغلاف حلو تبدأ الفرحة قبل ما يفتح الهدية.

الألوان تفرق

الأطفال يحبون الألوان الواضحة. البنات غالبا يفرحون بالوردي والبنفسجي واللمسات اللامعة، والأولاد بالأزرق والأخضر والرسومات. ولو ما تعرف ذوق الطفل اختار لون هادي مع شريطة ملونة وما بتغلط.

الكرت نص الهدية

كلمتين بخط اليد أو رسالة قصيرة على كرت تفرق كثير، خصوصا عند الأهل اللي يحتفظون بالكروت. اكتب اسم الطفل والمناسبة وشي بسيط من قلبك ولا تطول.

الهدية الكبيرة لها طريقة

السيارات الكهربائية والألعاب الكبيرة صعب تتغلف كاملة، وهنا تكفي شريطة كبيرة وفيونكة على السيارة نفسها، وتصير مفاجأة حلوة لما يدخل الطفل الغرفة ويشوفها.

خلنا نجهزها لك

في قرية الهدايا وقت ما تطلب تقدر تختار تغليف للولد أو للبنت وتكتب رسالتك اللي تبيها توصل مع الهدية، ونرتبها لك ونسلمها جاهزة. وإذا عندك مناسبة خاصة وتبي شي مختلف كلمنا قبل ونحاول نساعدك.

ولو محتار في الهدية نفسها شوف قسم البنات وقسم الأولاد وأكيد بتلقى شي يناسب.