أول سيارة كهربائية لطفلك كيف تختار المناسبة لعمره؟

ما يمر أسبوع إلا ويجينا أب أو أم يسأل عن سيارة كهربائية لولدهم أو بنتهم، وغالبا أول سؤال يكون أي وحدة أحسن؟ والجواب يعتمد على كم شغلة بسيطة.

العمر أهم شي

كل سيارة مكتوب عليها العمر المناسب لها وهذا مو مجرد رقم. السيارات الصغيرة اللي تناسب من سنتين لين أربع سنوات سرعتها خفيفة وأغلبها يجي معها ريموت يتحكم فيه الأب أو الأم، وهذي مناسبة لطفل لسا ما يعرف يوجه زين. أما اللي تناسب لين ثمان سنوات فهي أكبر وأقوى ويقدر الطفل يسوقها بنفسه وتكبر معه أكثر من سنة.

ولو طفلك على الحد بين عمرين ننصحك تاخذ الأكبر شوي، لأنه بيكبر عليها أسرع مما تتوقع.

وين بيلعب فيها؟

لو بيلعب داخل البيت أو في حوش صغير فالسيارة الصغيرة تكفي وتتحرك براحة. أما لو عندكم ساحة أو بيطلع فيها للحدائق فالأفضل تكون عجلاتها أعرض وبطاريتها أقوى. وفيه أطفال يفضلون الدباب على السيارة لأنه أخف ويحسون فيه بحرية أكثر.

البطارية والشحن

أغلب السيارات تحتاج شحن كم ساعة قبل أول استخدام، وبعدها تعطي وقت لعب يختلف حسب وزن الطفل ونوع الأرض. خل الشحن عادة بالليل ولا تخلي البطارية فاضية فترة طويلة عشان تعيش معك.

الأمان قبل كل شي

لا تخلي الطفل يسوق قريب من الشارع أو المسبح، وإذا السيارة فيها حزام تأكد إنه مربوط. وفي الأيام الأولى خله يتعود عليها وأنت ماسك الريموت لين تطمن عليه.

تقدر تشوف كل المركبات الكهربائية في الموقع، وإذا تبي تشوفها على الطبيعة قبل لا تشتري مر علينا في المحل بتاروت.