هدية المولود الجديد وش تجيب لما تزور أهل المولود؟

كل ما يوصلنا خبر مولود جديد في العائلة أو عند الأصحاب يرجع نفس السؤال وش نجيب معنا؟ الملابس صارت هدية متكررة والأم غالبا يجيها منها كثير، عشان كذا صار كثير من زبايننا يفضلون لعبة تعيش مع الطفل شهور وتكبر معه.

خل الهدية تناسب عمره

المولود في أول شهوره يحب الأصوات والألوان ويتابع أي شي يتحرك قدامه، وهنا تنفع علاقة السرير لأنها تشغله وهو مستلقي وتعطي أمه شوية راحة. ولما يكبر شوي ويبدأ يجلس تصير الألعاب الموسيقية مثل باص الموسيقى من أكثر الأشياء اللي تضحكه، يضغط الزر ويسمع الصوت ويرجع يضغط مرة ثانية وثالثة.

وإذا الطفل قرب يكمل سنة فأحسن هدية برأينا لعبة تعليم المشي. تساعده يوقف على رجوله ويمشي أول خطواته وهو ماسك فيها، وهذي من الهدايا اللي الأهل يتذكرون مين جابها.

المحبس هدية عملية للأم

كثير أمهات يسألونا عن المحبس وهو فعلا من أكثر الأشياء العملية، الطفل يلعب فيه بأمان والأم تتحرك في البيت وهي مطمنة. ولو الهدية مشتركة من أكثر من شخص فهو خيار ممتاز.

لا تنسى التغليف

الهدية تبان أحلى لما تكون مغلفة زين. وقت الطلب تقدر تختار تغليف للولد أو للبنت وتكتب رسالتك للأهل ونجهزها لك.

وإذا محتار بين أكثر من لعبة مر علينا في المحل بتاروت أو كلمنا واتساب ونساعدك تختار اللي يناسب عمر الطفل وميزانيتك. وتقدر تشوف كل ألعاب قسم المواليد من الموقع.